Atal honetan irakaskuntza-ikaskuntza prozesua ulertzeko modu berri bat
azalduko dut, zehazki, MOOC bezala ezagutzen diren kurtsoak.
MOOC-ak, ingelesez Massive Online Open Courses deritzotenak, internet
bidezko ikastaro online, ireki eta masiboak dira. Ikastaro hauen bidez
interesdunak eskuragarri ditu aukeratutako ikastaroen eduki guztiak, edozein une
eta tokitan, ordutegi malguan eta auto-ebaluazio-metodoetan oinarrituz
garatzeko.
Ohikoa da MOOC-ikastaroak bideo-formatuan eskaintzea, hau da, lehenengo
aurkezpena egiteko hasierako bideo eta, ondoren, bideo laburragoen bidez
ikasketa-edukiak garatzen dira, irakurketa-materialen eta
autoebaluazio-ariketen laguntzaz.
Ikastaro hauek ikasteko tresna baino gehiago dira, izan ere, beste mila
erabiltzaileekin hartu-emana izateko aukera ematen baitute. Gainera,
komunitate-kontzeptua dute oinarrian, Social Learning izenekoan edota gizarte
ikaskuntzan oinarritzen dira (erabiltzaileek eztabaida-foroetan zalantzak
argitzen dituzte, etb.).
Gehitzekoa da MOOC mota desberdinak daudela, hala
nola, edukietan oinarritutako xMOOC-ak, parte-hartzaileen arteko
konektibitatean oinarritzen diren cMOOC-ak eta MOOC Hibidroak, azken hauek,
aurreko bien ezaugarriak biltzen ditu.
No hay comentarios:
Publicar un comentario